«Աջակցություն Հայաստանում Թվինինգ և Թայեքս ծրագրերի կառավարման գործակալությանը» ծրագիր (SATTO)

EUROPEAID/126857/C/SER/AM

Ծառայության պայմանագիր թիվ 200-049

SATTO-ն ԵՄ ֆինանսավորմամբ իրականացվող տեխնիկական օժանդակության ծրագիր է, որը սկսել է իրականացվել 2009թ. մարտի 2-ից` որպես ՀՀ էկոնոմիկայի նախարարության ծրագրերի կառավարման գործակալությանը (Գործակալություն) աջակցող ծրագիր:

SATTO-ի հիմնական նպատակն է օգնել Հայաստանին` լավագույնս օգտվելու ԵՀԳԳ ներքո տրամադրվող ԵՄ աջակցությունից, մասնավորապես Թվինինգ և Թայեքս գործիքներից: Համապատասխանաբար հատուկ նպատակներն են`

- աջակցել Գործակալությանը` Հայաստանում Թվինինգ և Թայեքս գործառնական մեխանիզմների ներդրման հարցում.

- հզորացնել Գործակալության և շահառու մարմինների կարողությունները` կապված Թվինինգ ու Թայեքս գործառնությունների հետ.

- բարձրացնել Թվինինգ ծրագրերի և Թայեքսի միջոցառումների վերաբերյալ իրազեկվածության մակարդակը:

Ծրագիրն իրականացվում է կոնսորցիումի կողմից, որը բաղկացած է. 

• Կոնսորցիումի ղեկավար. Եվրոպական խորհրդատուների կազմակերպությունը (ԵԽԿ), որը տեղակայված է Բրյուսելում, մասնագիտական խորհրդատվական ծառայություններ է մատուցում պետական ու մասնավոր կազմակերպությունների լայն շրջանակի համար և մասնագիտացած է միջազգային դոնորների կողմից ֆինանսավորվող զարգացման ծրագրերի ոլորտում: 1992թ. հիմնադրումից հետո ԵԽԿ-ն հաջողությամբ ծրագրեր է իրականացրել Եվրոպայում, Ասիայում, Աֆրիկայում, Միջերկրական տարածաշրջանի երկրներում, Լատինական Ամերիկայում, Կենտրոնական և Արևելյան Եվրոպայի երկրներում, ինչպես նաև նախկին Խորհրդային Միության նորանկախ պետություններում:
• Կոնսորցիումի գործընկեր. ADETEF-ը Ֆրանսիայում էկոնոմիկայի և ֆինանսների նախարարությունների միջազգային տեխնիկական օժանդակության և համագործակցության գործակալությունն է: Այն գործընկեր երկրներին տրամադրում է նախարարությունների փորձագիտական ծառայություններ տնտեսական զարգացման և ինստիտուցիոնալ բարեփոխումների ծրագրերի ոլորտում:
• Կոնսորցիումի գործընկեր. «Resource and Logistics» (RaL) կազմակերպությունը, որը տեղակայված է Փարիզում, ստեղծվել է 1992թ.` Արևելյան Եվրոպայի նորանկախ երկրներին խորհրդատվական և փորձագիտական ծառայություններ մատուցելու նպատակով:

SATTO ծրագրի գրասենյակը տեղակայված է ք. Երևան, Մհեր Մկրտչյան 5 հասցեում գտնվող ՀՀ էկոնոմիկայի նախարարության շենքի 818 սենյակում:

Պատրիկ Մունիե-Լոմպրե, ծրագրի ղեկավար

Հեռ. (37410) 582 955    Էլ-փոստ` pmltwinning@cornet.am

Կորյուն Դանիելյան, ծրագրի ղեկավարի տեղակալ

Հեռ. (37410) 582 955    Էլ-փոստ` kdantwinning@cornet.am

Սուրեն Գյուրջինյան, հիմնական փորձագետ

Հեռ. (37410) 582 955    Էլ-փոստ` surentwinning@cornet.am

Ռուզաննա Առուստամյան, ադմինիստրատոր

Հեռ. (37410) 582 955    Էլ-փոստ` twinning@cornet.am