Սիգման աջակցում է իր գործընկերներին ղեկավարման և կառավարման բարելավման խնդիրներում` հետևյալ միջոցներով.

• գնահատում է բարեփոխումների ընթացքը և սահմանում գերակայություններ` Եվրոպական պատշաճ գործելակերպերին և ԵՄ գործող օրենսդրությանը (Community Acquis) համապատասխան, 
• աջակցում է որոշումներ կայացնողներին և վարչական մարմիններին` ինստիտուցիոնալ կարողությունների հզորացումը եվրոպական չափորոշիչներին և լավագույն փորձին համապատասխանեցնելու և իրավական դաշտի ու ընթացակարգերի մշակման գործում
• նպաստում է ԵՄ, եվրոպական և ոչ եվրոպական այլ դոնորների աջակցության տրամադրմանը` օժանդակելով ծրագրերի մշակման, նախապայմանների սահմանման և ծրագրի իրականացման հարցերում:

Աշխատանքային մեթոդները

Սիգմայի գործունեությունը հիմնված է շահառուների հետ գործընկերության վրա:  Սիգմայի ընթացակարգերը ճկուն են, ինչը հնարավորություն է ընձեռում արագ և համարժեք կերպով արձագանքելու յուրաքանչյուր գործընկերոջ կողմից սահմանված գերակայություններին և ներկայացված աջակցության յուրահատուկ հայտերին:

Ծրագրերը կարող են նախաձեռնվել գործընկերների, ԵՀ-ի կամ Սիգմայի կողմից: Յուրաքանչյուր նախագծի համար պարտադիր պահանջ է դրանում Սիգմա ծրագրի բարեփոխումների գերակայությունների արտացոլումը և ինստիտուցիոնալ կարողությունների հզորացման ԵՀ նպատակների իրագործմանը սատարումը: Ներգրավված կողմերը մշակում են նախագծի փաստաթուղթը և անմիջապես ներկայացնում ԵՀ` նախնական հաստատման: Կողմերի միջև քննարկումների տասնօրյա կարճատև փուլից հետո ծրագիրը կարող է մեկնարկել:

Սիգմայի աշխատանքային մեթոդները մշտապես հարմարեցվում են յուրաքանչյուր գործընկերոջ կոնկրետ կարիքներին և գերակայություններին: Որևէ գործընկեր կարող է  ինտենսիվ աջակցության կարիք զգալ արհեստավարժ քաղաքացիական ծառայության զարգացման հարցերում, իսկ մեկ ուրիշը կարող է ջանքերն ուղղել պետական ֆինանսների ներքին վերահսկողական համակարգերի հզորացման վրա: Սիգմայից կարելի է նաև աջակցություն հայցել պետական կառավարման համակարգի բարեփոխումների ծրագրերի մշակման հարցում: Սիգմայի և գործընկեր հաստատությունների ու մասնագետների միջև շարունակական գործակցությունն էական նշանակություն ունի' առաջնահերթ գործողությունները գերակա կարիքներին համապատասխանեցնելու առումով:

Աջակցության մեխանիզմներ

• Խորհրդատվություն բարեփոխումների, ռազմավարական զարգացման պլանների մշակման և իրականացման հարցում,
• «Գործընկերը գործընկերոջը» սկզբունքով կարծիքների ու գնահատականների տրամադրում և աջակցություն,
• Իրավական դաշտի, մեթոդաբանությունների, համակարգերի և հաստատությունների վերլուծություն և գնահատում,
• Եվրոպական Հանձնաժողովի աջակցությունն առավելագույնս արդյունավետ դարձնելու նպատակով մեթոդաբանական, տեխնիկական և ռազմավարական աջակցություն,
• Աջակցություն ցանցերին,
• Ձեռնարկների և այլ տեղեկատվական նյութերի մշակում,
• Ուսուցում: