Թայեքսի աջակցությանը կարող են դիմել պետական և տարածքային ինքնակառավարման մարմինների աշխատակիցները, խորհրդարանի պատգամավորները և աշխատակիցները, մասնագիտական և առևտրային միություններն ու ասոցիացիաները, դատական և օրենքի կիրարկումն ապահովող մարմինները:

Թայեքս ծրագիրը հասանելի չէ անհատ քաղաքացիներին և մասնավոր ձեռնարկություններին:

Եթե Ձեր հաստատությունը բավարարում է վերոնշյալ պահանջներին, կարող եք դիմել Թայեքս ծրագրի աջակցությանը`  լրացնելով ներքոնշյալ հայտերից որևէ մեկը.

• աշխատաժողով

ԵՄ օրենսդրությանը վերաբերող հիմնախնդիրների մեկնաբանում հասարակության լայն խավերի համար,

• ճանաչողական այց

շահառու երկրների պետական պաշտոնյաների այց ԵՄ անդամ պետություն` ծանոթանալու ԵՄ-ում օրենսդրության իրագործման և արդյունավետ կիրարկման գործնական խնդիրներին,

• Փորձագիտական առաքելություն

շահառու երկրներում  ԵՄ օրենսդրության մեկնաբանում և ազգային օրենսդրության հետ դրա մոտարկում, ինչպես նաև նախատեսվող իրավական ակտերի կիրարկմանն ուղղված մասնագիտական օժանդակության տրամադրում:

Թայեքսի հայտով դիմելու համար վերջնաժամկետներ չկան: Դա նշանակում է, որ շահագրգիռ մարմինները կարող են դիմել ծրագրային հայտով, երբ առաջանում է նման տեխնիկական օժանդակության կարիք:

Հայտը Ծրագրերի կառավարման գործակալություն է ուղարկվում յուրաքանչյուր պետական մարմնում նշանակված պատասխանատու անձի կողմից: : Գործակալությունը գնահատում է ստացված հայտը և, անհրաժեշտության դեպքում այն քննարկելով հայտատուի հետ, ներկայացնում Եվրոպական հանձնաժողովի հաստատմանը: Այն դեպքում, երբ հայտը չի բավարարում Թայեքս չափանիշներին ԾԿԳ-ն մերժում է ներկայացված հայտը: