Հայաստանը Եվրոպական հանձնաժողովի արտաքին աջակցության ծրագրերի շահառու է 1991թ. ի վեր: 1991-2006թթ. ԵՄ աջակցությունը Հայաստանին իրականացվել է տարբեր ծրագրերի միջոցով, որոնցից  են TACIS-ը, Մակրո-ֆինանսական աջակցությունը (MFA), Սննդապահովման ծրագիրը (FSP), ԵՀ մարդասիրական գրասենյակը (ECHO), Ժողովրդավարության և մարդու իրավունքների եվրոպական նախաձեռնությունը (EIDHR):

2007թ. սկսած տարածաշրջանային ուղղվածություն ունեցող աջակցության ծրագրերը փոխարինվել են Եվրոպական հարևանության ու գործընկերության գործիքով (ԵՀԳԳ), որը ենթադրում է Եվրամիության ուղղակի աջակցությունն այն բոլոր երկրներին, որոնք հանդիսանում են ԵՄ հարևաններ: ԵՀԳԳ-ն ունի լայն շրջանակ, որտեղ համադրվում են հարևանության և զարգացման ավանդական խնդիրները: Այս խնդիրներին լուծում գտնելու համար իրականացվում են մեկ երկրի, բազմակի երկրների, թեմատիկ կամ միջսահմանային ծրագրեր:

Եվրոպական հարևանության քաղաքականության (ԵՀՔ) համատեքստում  վարչական բարեփոխումների գործընթացն արագացնելու ու պետական քաղաքականության մշակմանն ու ներդրմանն օժանդակելու համար համաձայնություն է ձեռք բերվել կիրառել ԵՀԳԳ  հիմնական գործիքները, ինչպիսիք են Թվինինգն ու  Թայեքսը, նաև Հայաստանում:

Նշված ծրագրերն ուղղված են ԵՄ-Հայաստան համագործակցության ներքոնշյալ փաստաթղթերում նշված առաջնահերթ խնդիրների լուծմանը.

• Գործընկերության և համագործակցության մասին համաձայնագիր  [236 KB] 

• ՀՀ-ԵՄ Համատեղ Գործողությունների ծրագիր  [216 KB]

• 2007-2010թթ. Ազգային ինդիկատիվ ծրագիր  [80 KB]

• 2011-2013թթ. Ազգային ինդիկատիվ ծրագիր  [456 KB]